EUSKAL HERRIKO GIZARTE FOROAREN BATZARRA: 03-11-22 AGURAIN.

PARTEHARTZAILEAK: ELA, Askapena, EHE, Batasuna, Arangoitiko Euskal Txokoa, Gernika Batzordea, Drogak Eragindakoen Elkartea, Elkarkidetza, Banitz, Herrien Liga, Rcade, SEADen lagunak, Komite Internazionalistak, ESK, Ipes-Gite, EHko Giza Eskubideen Behatokia, Eguzki.

1.- GAURKO BILERAREN GAI ORDENAREN ETA METODOLOGIAREN ONARPENA

Bileraren helburuak finkatu dira eta horren araberako gai ordena eta metodologia. Horrekin batera Eztabaida Gune Nazionalak gaurko bilerarako tarte bat eskatu du, bertan bildutako eragileei antolatu duten ekimena azaltzeko.

2.- EUSKAL HERRIKO GIZARTE FOROKO II. TOPAKETAREN ANTOLAKETARUNTZ/

2.1. Foroa jarduteko oinarriaren inguruko eztabaida: alderdi politikoen partehartzea./

Dinamizazioaren aldetik gai hau kokatu da, lehengo urteko eztabaida berberaren emaitzak eta hartutako konpromezuak gogoratuz.

Iritzitarako ronda bat ireki da ondoren, honakoak bilduz:

-Aipatu du alderdien partehartzea Foroaren antolaketa fasean berplanteatu nahiko luketela. Ez eztabaida amaigabe bat planteatzeko, baizik eta gutxienez alderdi politikoek baloratu eta hausnartu dezaten Mugimendu Sozialen Foro batean daudela.

-Aurrekoari erantzunez aipatu du eztabaida hau sakona eta korapilatsua dela. Edozein kasutan ez direla inongo dinamikaren oztopatzaile izango esan du. Halaber, horrelako neurriak ikusten den dinamika ez zilegiaren aurrean hartu beharko liratekeela dio; adibidez, erabakiak hartzeko momentuan antolakunde horretako militantzia mugitu badute jokuan dagoen erabakiari norabide zehatz bat emateko; edo Foroa sinbolikoki kapitalizatu nahi badu. Bere ustetan, ez dago horrelakorik esaterik bere taldearen jardunaz. Hala ere, aurreko iritziak eskatzen zuen balorazioa eta hausnarketa burutzeko konpromezua beregain hartu du.

-Foroan parte hartzen eta gaurko bileran ez dauden bestelako alderdiei, JZFak helaraziko die aipatu planteamendu hauek.

2.2. Komunikazio lan taldearen funtzioak eta osaketa

Jaso diren ekarpenen laburpena egin da eztabaidari hasiera emateko. Ekarpenen funtsa nagusiarekin adostasuna egon da. Labur bilduz hauek izan dira iritzi aipagarrienak:

-Harreman sarearen lanketa garrantzitsua da eta lehentasunezkoa. Harreman sarea zabaltzeko zereginetan egongo direnak nahitaez talde anitza izan beharko du. Harreman sarea indartzeko taldearen zereginen artean, topaketaren antolaketa fasera gonbidatu, topaketa bertara gonbidatu edo talde txikiak tailerren antolaketarako erreztasunak eman, besteak beste.

-WEB gunea ez litzateke eztabaida gune batean bihurtu beharko, eztabaida horiek asanbladetako aurrez-aurreko eztabaidak izan beharko lirateke. WEB guneak orain arte bezala informazioa zabaltzeko gunea izan beharko luke, partaide honen iritziz.

Komunikazio lan taldeari dagokionez, aurrera begira honakoa erabaki da: lan talde honen bilera ireki bat antolatuko da abenduaren 4ean ekologistak Martxan-eko lokalean(Pelota kalea, 5 Bilbo), bertan parte hartzeko edozein talde edo pertsonari gonbitea luzatuz.

Bilera honen zeregina izango da: jasotako ekarpenak aintzat hartuz lan talde honen zeregin zehatzen lanketa, ondoren lanketa hau EHGFko asanbladan eztabaidatu eta onespena jasotzeko. Bilbon antolatuko den bilera honek bere helburuak beteko dituela bermatzeko arduradun batzuk finkatu dira.

2.3. Azpiegitura eta finantziazio lan taldearen funtzioak eta osaketa.

Komunikazio lan taldearekin gertatu den bezala, jasotako ekarpenak aintzat hartuz lan talde honen zeregin zehatzen lanketa burutzeko bilera irekia egingo da. Ondoren lanketa hau EHGFko asanbladan eztabaidatu eta komisio honen lan ildoa erabakitzeko.

Bilera honen hitzordua ez da oraindik finkatu. Bilera honen emaitzak onak bermatzeko arduradun batzuk finkatu dira.

2.4. Egitaraua osatzeko asanbladaren inguruan

Aipatu da egitaraua osatzeko lanak duten garrantziarengatik ezin dela lan batzorde batean aurrera eraman. Hori dela eta, asanblada orokor batean landu behar dela aipatu da luze eta zabal, nahiko era monografikoan. Beraz, hurrengo asanbladaren gai nagusia hauxe izatea erabaki da, eta bilera horri begira ekarpenak jasotzeko fitxa moduko bat osatuko du JZFk.

2.5. II. Topaketaren data eta lekua.

Dataren inguruan iritsi ezberdin jaso dira. Dinamizazioaren aldetik eta egondako ekarpenak aztertu ondoren maiatzean burutzeko aukera aurkeztu da. Era guztietako iritsiak jaso dira:

-Data jartzea gauzak ondo landu eta lotu gabe akats larri bat izango litzatekeela dio. Ondorioz, logikoagoa ikusten du lehendabizi lanak ondo burutu eta ondoren data zehaztu.

-Antolaketa irizpideak oso errespetagarriak badira ere, testuingurua garrantzitsua dela dio. Aipatu testuinguru hau Europear Konstituzioarengatik baldintzatuta egongo da eta iritzi mediatikoa egongo denez, komenigarritzat jotzen du Mugimendu Sozialak eztabaida burutzea eta bere ahotsa gizarteratu dezaten otsaila inguruan burutzea II. Topaketa.

-Aipatzen du data referentzi bat edukitzea ondo dagoela ez larregi relajatzeko eta indarrak aktibatzeko, baina data zehatza egiten den lanaren arabera finkatu behar dela. Honetaz gain, bere ustez, EHGF banatu beharko litzateke Konstituzio Europearraren eztabaidaz; izan ere, erakunde bakoitzak aukera onak izango baititu aipatu gaia lantzeko.

-Aipatu du maiatzean beste erronka batzuk daudela eta ez dela data egokiena. Hilabete horretan Langileen egunaz gain, maiatzak 9rako mobilizazioa dagoela gogoratu du.

-Hurrengo urtean egongo den gaia Europakoa dela dio eta EHGFa marko egokia dela eztabaida soziala emateko. Arazoa ez dela data kontua, baizik eta Foroaz dauden ikuspegi ezberdinak. Hori esanda, maiatza baina lehenago egitea proposatu du.

LABURBILDUZ: Aurreratzen den lanaren arabera finkatuko da II. Topaketaren data. Maiatzako erreferentzia ez egotea aipatu da; izan ere, batzuk maiatza baino lehenago burutu nahiko luketelako eta beste batzuk maiatza baino beranduago.

3. EUROPAKO GIZARTE MUGIMENDUEN ASANBLADAKO DEIA ETA GU.

Egon diren bi proposamenak azaldu dira. Eztabaida izanda ea horrelako deien jarraipena EHGFko asanbladatik egin behar zen, edo beste dinamika eta marko batetik erantzun behar zaien.

Eztabaidan sakondu ondoren hauxe erabaki da: Pariseko deialdia aztertzeko Mugimendu Sozialen Asanblada batetarako deia luzatzea, bertan eta zeregin horretarako sortutako marko horretan eztabaida emateko.

4.- HURRENGO BATZARRARAKO DATA ETA GAIAK.

Hurrengo bileraren gai nagusia II. Topaketaren egitarauaren lanketa izango da. Horretarako akta honekin batera ekarpenak egiteko fitxa bat bidaliko zaie partaide guztiei. Hortaz gain, komunikazio eta azpiegitura-finantziazio lan taldeek landu dutena eztabaidatu eta aztertuko da.

Hurrengo bileraren data berriz, bi proposamen egon dira, bata abenduaren 20koa eta bestea urtarrilaren 11koa. Bata eta bestearen aldeko argudioak entzun dira. Adostasunik ez da egon, aukera bakoitzaren alde zegoen partaide kopurua kontutan hartu da eta oso berdintsua zenez, azkenean konponbide hau erabaki da: egiten den lanaren arabera, jasotzen diren ekarpenen arabera, mahai gaineratzen den mamiaren arabera,komunikazio eta azpiegitura lan komisioek aurreratu duten lanaren arabera, bilera batean edo bestean izango da. Hau da, abenduaren 20rako pulamentuzko bilera antolatu badaiteke, egun horretan izango da. Bestela urtarrilaren 11n. Aspektu hauek baloratzea JZFren esku geratzen da.

5.- EKIMEN BATEN AURKEZPENERAKO TARTEA.

Eztabaida Gune Nazionaleko bi partaide agertu dira beraien egitasmoaren nondik norakoak azaltzeko eta ekimen horretan parte hartzeko gonbitea luzatuz.

Modu honetan 13:40tan bilera amaitutzat ematen da.