EUSKAL HERRIKO GIZARTE FOROAREN BATZARRA AGURAINGO ZINEMAN.

0.- PARTEHARTZAILEAK

LAB, Batasuna, Herrian Liga, Drogak Eragindakoen Elkartea, KI, Banitz, ELA, Garaipen, Bilgune Feminista, Gernika Batzordea, Auzotarrak, Askapena, EHE, Duina, Elkartzen.

1.- GAURKO BILERAREN GAI ORDENAREN ETA METODOLOGIAREN ONARPENA

Gaurko bileraren gai ordena eta metodologia onartu da aurkeztu den moduan.

2. II. TOPAKETAREN EGITARAUA OSATZEKO TRESNAK ETA URRATSAK

¨ Gai ardatza koordinatuko duen taldea osatzeko irizpideak

Jaso diren ekarpenentan eta eztabaidan adostasuna ageri da. Irizpide hauek paper bustian ez geratzeko puntu honetako irizpideekin zein hurrengo puntuko irizpideekin gai ardatzen funtzionamendurako DEKALOGO bat osatuko da, irizpide hauek momentu oro presente egoteko.

¨ Gai ardatzetako koordinazio taldeentzako funtzionamendu irizpideak.

Aurreko puntuan aipatu den gauza berbera puntu honi dagokionez.

¨ Koordinazio talde hauek osatzeko arduradunak.

Gai ardatz bakoitzean koordinazio taldea osatzeko eta adostutako irizpideen arabera funtzionatzeko ardurak banatu dira. Gai ardatz hauetako koordinazio taldeak tailer, mintegi edo dena delakoaren proposamenak jasotzen hasiko dira, nahiz eta gai ardatz horiek behin betikoak ez izan.

Beraz, gai ardatzetako ardurak banatu dira eta soilik bi gai ardatz geratu dira arduradunik gabe: autodeterminazioa eta lurra, hain zuzen.
Fundazioa saiatuko da bi ardura horiek hitzartzen.

¨ Gai ardatza bera eta bere baitako egitarauaren antolaketaz.

Eman den lehenengo eztabaida honako hau izan da: gai ardatz bakoitzak erabakiko du nola antolatu (espazio bakarra eztabaidagai guztiak asanbladan lantzeko, edo simultaneoki espazio ezberdinetan tailerrak, edo...)edo EHGFko asanblada honek finkatuko du gai ardatzen funtzionamendua.

Bi aukera hauek defendatzeko argudioak entzun dira: gai ardatzen autonomia mantendu behar dela, behetik gorako funtzionamendu bat bermatuz, eta ondorioz, horrelako erabakiak gai ardatz bakoitzeko asanbladetan hartu behar direla, batetik. Bestetik, horrelakoak EHGFko asanblada hauetan hartu behar direla. Edozein kasutan, denak ados daude ekarpenak jaso arte ezingo dela gai ardatzen antolakuntza eta definizioa zehaztu.

Eztabaida eman ondoren, azkenean erabaki da gai ardatz bakoitzeko asanbladen baitan erabakitzea aspektu hauek, ekarpenak jasotzeko epe itxi ondoren eta ekarpen horien oinarrian. Alegia, gai ardatz bakoitzari autonomia ematen zaiola aipatutakoak finkatzeko.

Erabakia aipatutakoa izan arren eta argi geratu arren aurrera begira non finkatuko diren aspektu hauek guztiak , asanblada honetan azaleratu ziren gai ardatzen antolaketarako iritzi ezberdin, besteak beste iritsi hauek:

a)Gai ardatzen barne antolaketaren inguruan

Aurreko foroaren balorazioan oinarrituz gai ardatzak asanblada moduan egitea proposatzen da. Eztabaidari denbora gehiago emanez eta hizlariarekiko galdera-erantzun dinamika apurtuz.

Hizlariekin dinamika baztertu. Ponentziak elkartu, hasieran eman eta gero denbora eta garrantzia eztabaidari eman.

Baina ez da ahaztu behar batzuk agian konferentzia eman nahi dutela edo tailerra...

Garrantzia elkartzeari eman. Behin, ekarpenak jasotzeko epea amaitu denean gai ardatz horietako asanbladak gune ezin egokiagoa da harreman sareak trinkotzeko, gai ardatza antolatzeko elkarlanean oinarrituko bailitzateke trinkotze hori.

Ekarpenak jasotzeko epeekin serio izan behar dugu, jartzen diren epeak errespetatuz, bestela pasan den urtekoa errepikatuko da, eta gai ardatzen antolakuntza neurrigabe korapilduko da.

b)II. Topaketaren gai ardatzen inguruan

Auzitan dauden gai ardatzak: sozioekonomia bitan banatu eta gazteria eta emakumea desagertzea eta gai ardatz guztietan zeharkakoak izatea. Eztabaida hau mahai gainean jarri da.

Sozioekonomiakoa banatzea ez du ikusten, izena aldatu behar zaiola bai ikusten du. Baina bitan banatuko balitz sindikatuak eta eragile sozialak banatuko lirateke ere bai, eta hori ez zaio egokia iruditzen.

Identidadearen gai ardatzean “komunikazioa”ren gaia dago eta ez dute zerikusi handirik beraz banatzea proposatzen da. Proposamenak jaso bitartean elkarrekin mantendu eta gero aztertu ea beharrezkoa den banatzea edo paraleloki funtzionatzea.

Nazioarteko gai ardatza elkartu behar da, iazko balorazioa egin gabe daukate eta deialdia egin nahi du gai ardatz hori funtzionatzen hasteko.

Emakumea eta gazteriaren gaia: iaz zeharkako gaiak izatea erabaki zen eta gero praktikan emakumearen gaia bi gai ardatzetan jorratu zen soilik.

Zeharkakotasuna bermatu behar da, hizlarien artean emakumeen kopurua orekatu izan behar da (kuotak?) eta gai ardatz guztietan emakumearen,gaztearen edo etorkinaren arazo zehatzak landu behar dira. Hala ere gai batzuk ez dira beste gai ardatzetan landuko eta emakumeok baditugu oraindik gure artean hitz egiteko gaiak eta foroak eskaintzen duen gunea oso egokia ikusten da.

Iaz ez zen egon zeharkakotasuna bultzatzeko indar nahikorik baina aurten saiatu beharko ginateke. Protokolo bat proposatzen da gai batzuen lanketa egokia bermatzeko: hizkuntza, gaztea, emakumea . Protokoloak ekarpenak antolatzeko egiten den gai ardatzen bilerarako prest egon behar du.

Batzuk diote hori ez duela asanbladak erabaki behar gai ardatz bakoitzak baizik. Asko eztabaidatu ondoren gai ardatz bakoitzaren barruan erabakitzea eskatzen zaie.

¨ Aurrera begira: Ekarpenak jasotzeko epea, prozedura, gai ardatzetako asanbladak eta EHGFko asanblada orokorrari buruz.

EGUTEGIA

-Ekarpenak jasotzeko deialdia: urtarrilaren 20ª baino lehen

Prentsa oharra komunikazio lantaldeak egingo du

Dagoeneko parte hartu dutenei fundazioak helaraziko die deialdia.

Eragile bakoitzaren harreman sarean deialdia zabaldu.

-Gai ardatzetarako tailer, hitzaldi edo dena delakoaren ekarpenak egiteko epea: urtarrilaren 20tik otsailaren 15era.

Ekarpen hauek gai ardatzaren arabera helbide elektroniko hauetan jasoko dira:

GAI ARDATZA	POSTA ELEKTRONIKOA
Sozioekonomia	socioeconomia@ehgf.org
Askatasun demokratiko eta eskubide zibilak	libertadesyderechos@ehgf.org
Migrazioak	inmigración@ehgf.org
Autodeterminazioa	autodeterminación@ehgf.org
Lurraren solasa	lurra@ehgf.org
Gazteria	gazteria@ehgf.org
Emakumea	emakumea@ehgf.org
Identitatea, hizkuntza, hezkuntza eta komunikazioa	idleedcom@ehgf
Egoera internazionala, antimilitarismoa eta herrien arteko elkartasuna	international@ehgf.org
Neoliberalismoaren instituzio internazionalak	ininpone@ehgf.org

-Gai ardatzen asanblada irekiak:otsailaren 15etik- martxoak 19 bitartean

Jaso diren ekarpenen oinarrian, gai ardatz bakoitzak behar adina asanbladak burutuko ditu gai ardatza antolatzeko, gaien fusioak osatzeko, beste gai ardatzekin fusioak sondeatzeko edo dena delakoak.

-Gai ardatzen behin betiko programa EHGFko asanbladan aurkeztu: martxoaren 20an

3. KOMUNIKAZIO LAN TALDEAN EMANDAKO EZTABAIDEN AURKEZPENA

Egin diren bileretan batzordearen funtzioetaz hitz egin zuten eta hauek zirela adostu zuten:

- Parte hartu duten pertsonen eta eragileen arteko harreman sarea sendotzea. Harreman sarea zabaltzeaz hitz egin zuten: herrialdeka taldetxoak sortuz eta arlokako taldetxoak.

- Foroaren propaganda eta prentsa. Honetarako iazko irizpideak mantenduko dira: generoa, talde txikiak eta lurraldetasuna)

Eragile txiki askok ezin du bilerara etorri nahiz eta interesa eduki, hori dela eta atxekimenduen zerrenda bat osatzea proposatzen dute, zenbat jende egon daiteken interesatua aurretik jakiteko.

Elebitasuna bermatzeko itzulpen automatikoa erabiltzeko dirulaguntzak jasotzeko aukerak aztertu behar dira.

Logotipoaren diseinurako foroaren izaera definituagoa egon beharko litzateke. Iazko logoa aldatzea proposatu dute.

Gai hau bukatu da nabarmenduz hurrengo bilera bitartean komunikazio lan taldeak bere dinamikarekin jarraitu behar duela, proposamenak finduz eta zehaztuz eta hurrengo EHGFko asanbladan proposamen zehatzak aurkeztu behar dituela asanbladaren onarpena jasotzeko.

4. BESTE GAIAK

Atal honetan aurrerago erabakitzeko eztabaidagai bat landu da. Esan bezala gai honen eztabaidaren hasiera izan da, hurrengo bilera batean definitzekotan geratu baita. Gaia, honakoa: erabaki gune baten beharra ikusita, gune hori EHGFko topaketaren plenarioa den edo gune hori Mugimendu Sozialen Asanblada izan behar duen.

Bestalde, Azpiegitura batzordeak informatu du Irun Hondarribia ingurunea dela jaso duen proposamena. Hortaz gain, gaurko batzarrean Iruñeko Gaztetxearen proposamena jaso du.

Azkenik hurrengo bilera otsailaren 7an egitea erabaki da. Gaiak: lan taldeen proposamenen azterketa eta onarpena, mugimendu sozialen asanblada osatzearen eztabaida eta II. Topaketaren egitarauarekin loturiko bestelako gaiak.