EHGFko ASANBLADAREN AKTA: AGURAIN, OTSAILAK 7.

Partehartzaileak: ELA, LAB, ESK, EHNE, Bilgune Feminista, Harresiak Apurtuz, Gobernuz Kanpoko Erakundeen Koordinakundea, Eraikuntza historiagileen kolektiboa, Komite Internazionalistak, Elkartzen, Auzotarrak, Herrien Liga eta Gernika Batzordea.

1.- Gaurko bileraren gai ordenaren eta metodologiaren onarpena.

Bilerari aktaren onarpenarekin hasiera eman diogu, arazoak daude kide batek planteatzen baitu ez dagoela ados bertan jasotzen denarekin. Bere ustez, gai ardatzak ezin du tailer bat proposatzen duenari ezer inposatu, bestalde jarritako epeak ez datoz bat komunikazioaren batzordetik proposatutako sarearen zabaltzearekin.

Erantzunak: gai ardatzak egitaraua antolatu beharko du tailer ezberdinentzat tokia eta denbora utziz. Bestalde foroko eragileek bere sarea astindu beharko dute sarea zabaltzeko lanetan. Edonola ere, komunikazio batzordearen plangintza eta gai ardatzena uztartu behar dira.

Erakarri beharreko talde berriak prestakuntzan aritzeko jarritako epeek ez dute laguntzen.

Argitzen da otsailaren 15rako egin beharreko lana gaiak biltzearena zela eta ez behin betiko egitarauak antolatzea, eta horretarako ahal zen talde gehienei aurkeztu behar zitzaien bigarren Foroa eta gai ardatzerako beraien ekarpenak jaso.

Honetarako lagungarria izan daiteke Foroaren aurkezpentxo bat prestatzea. Orri honekin batera dekalogoa jarri dezakegu argi gelditzeko zein den lan filosofia. Komunikazio batzordeari egokitzen zaio lan hau. Dekalogoa emailez bidaliko dugu astelehenean, ostirala bitartean ekarpenak jasoko ditugu.

Epeak luzatzearen beharra ikusten da: martxoaren 13rako atzeratzen da Gai Ardatzak jendeari gonbidapena luzatu eta ekarpenak jasotzeko epea.

Bestalde kontutan hartu behar da jendearen partehartzea iaz, gauza praktikoak martxan jarri zirenean, handitu zela.

Gogoratzen da batzordeen lanari eman behar zitzaiola garrantzia eta ez hain beste gai ardatzei.

2. Erabaki gune baten beharra: Mugimendu Sozialen Asanblada-EHGFko plenarioa.

Argudioak:

- Zergatik ez erabakiak osoko bilkuran hartu?

- Hori erabakita dago, Foro zerbait irekia da eta ez erabakigune bat

- Asanblada bat ateratzeko lan egitea baina ez bada ateratzen iaz bezala

- Asanbladan gai ardatzen segimendua, egutegiak zabaltzeko...

- EH ez da hain handia beste dinamika bat sortzeko

- Foroa beste inon elkartzen ez diren taldeen topa-gunea da beraz, irekia izan behar du

- Osoko bilkuran 200 pertsona soilik parte hartu zuten, Foroan 1200, beraz 200 horiek ezin dira Foroaren ordezkariak izan

- Asanbladarako gaiak oso zehatzak izan behar dira eta aurretik jorratuak eraman behar dira

- Gizartean inork ez du ulertuko zer den gauza bat eta zein bestea

- Asanblada behar hori ikusten duten eragileek bultzatu beharko lukete

- Talde txikientzat bi dinamiketan egotea oso zaila

- Osoko bilkura ordezkagarriena da, eta burokrazia gutxienekoa, bertan asanbladan baino jende gehiago bilduko da

- Asanbladarena Europako dinamikaren errepikapena da eta EHan ez da beharrezkoa

- Osoko bilkuran erabakiak hartzea zaila, asanbladan errazagoa

- Foroa ez da neutrala baina espazio komuna da beraz, bertan erabaki politikorik ezin da hartu

Eztabaidaren ondorioa: asanblada sortzea

Zalantzak sortzen dira:Asanbladan Foroaren barruan ospatu behar den, Foroaren bileretatik antolatu edo interesa dutenak mugitu behar diren. Batzuen ustez asanbladak osoko bilkura ordezkatzen du eta beste batzuentzat ez dira bateraezinak. Munduan eta Europan ez daude bukaerako osoko bilkurak. Gai hauek Foroan hitz egiteko denbora eta guneak egotea proposatzen da. Foroan lehenengo asanblada egitea eta bertan bere beharra, funtzioak eta abar aztertu.

* Asanbladaren beharra gehiago arrazoitzeko beharra ikusten du kide batek, gai ardatzetan lantzea zergatik asanblada, zer egingo luken eta nola funtzionatuko luken eta gero osoko bilkurak erabaki dezala.

Asanblada sortzeko zein pausoak eman, nola bultzatu pentsatu eta otsailaren bukaerako proposamenak bidali, hurrengo bileran hitz egin eta erabaki.

3. Komunikazio lan taldearen proposamenak eta eztabaida

Ez dute landu bilerarako prestatu behar zutena. Foroa aurkezteko orritxo hori egiteko

4. Azpiegitura eta finantziazio lan taldeen proposamenak eta eztabaida

Azpiegituran ez dago ezer berri. Finantziazioan berriz, iazko behin betiko balantze ekonomikoa bukatu gabe dago. Hortaz gain, lan talde hau zabaltzeko egon diren saiakerak azaldu dira.

Hurrengo bilera martxoaren 13an. 10etan